超興奮

嘩嘩嘩！人生中第一次和朋友中六合彩，話說前幾日發夢同朋友中咗六合彩，中咗七萬幾蚊五個人分，起身時我只記得四個號碼8，10，21，37即時發
個whatsapp 訊息給我夢𥚃的老友叫佢係香港買，結果中咗三個半字，$320,好驚喜呀，最衰我只記得四號碼，否則不得了哈哈。

廿一月大的朗朗

朗朗最近很會比反應，夜晚睡覺時他會主動說nite nite 同𡃶daddy 家姐，然後要我抱上房，比嘢他時他會講thank you, 做錯嘢他會講oh my gosh, 笑死我

Sweet sweet Kaidyn

朗朗一向都不願用咀咀𡃶人的，每次叫他𡃶𡃶時，他只會用他面靠近，示意你𡃶佢，他極少數用咀𡃶人，今晚帶朗朗睡時，我跟他說𡃶𡃶，他罕有用咀𡃶我，我便說好sweet喎，他就不停說'swee swee' ,然後就跟kaka姐姐說'swee swee'主動𡃶他，我叫他night night 瞓，他瞓瞓下就彈起身，又叫'swee swee'就咀過來，超攪笑。

Half term 去博物館

昨日帶三小孩去博物館，入到去恐龍館，他們都好興奮, kaka就不停睇D恐龍名賞試讀，kiki就拿我相機影相，Kaidyn就手指指扮恐龍叫，但一見到T-Rex ，朗朗被這隻又大，又會郁，又會叫的T-Rex嚇到，原先好興奮的他，嚇到瑟縮於一團躲在daddy懷裡，又閉上雙眼用手蓋著，無眼睇，叫極他都不願張開眼，但一走出去，他即時生猛，非常攪笑，這小子真有趣。總括而言，在不同年齡帶他們去參觀這博物館，他們反應都各有不同，真的是一個很好的活動教材。