中國仔朗朗

朗朗之前病無乜胃口，加上這幾天都是食西餐似乎不合他口味，所以食得唔多，琴晚煲飯蒸咗個他至愛的煙三文加菜水蛋，他竟然清咗成碗飯，他真是一個不折不扣的中國仔^_^

朗朗愛扯頭髮

今日朗朗一早起身，他會用千方百計叫醒我，他常用的一招是扯頭髮，我叫他唔好蚊頭髮，他好乖會立刻放手，跟住他叫我睇下，原來他在蚊自己頭髮@_@我叫他唔好蚊，模模，他就用手模自己頭髮，還邊說模，模，模，比佢笑死。

朗朗愛說話

廿一個月的朗朗開始說話比兩個家姐快，他已經懂得講很多詞語，雖然發音唔係好正，仍有BB音，但絕對明白佢意思，而他亦懂得運用不同詞語，好似琴日落樓梯時，他不要我抱，他說拖手，示意我拖他自己落樓梯等，果然細的學嘢快D，模坊能力亦非常高，有時比佢笑死，有時比佢激死，佢真係古靈精怪，非常攪笑。

好奇心朗朗

小孩好奇心重，乜都要摸要試，不知危險，在安全的情況下我會給他們體驗，像朗朗這年紀，好奇心非常重，我煮飯時他總喜歡縷著要我抱，廚房對小孩來說是危險的地方，尤其是煮飯時，但他總想要模，好你要模就摸吧，他試過一次熱親手後以後都不敢模，盡管我鼓勵他去模他會縮手說熱熱，又好似我昨晚切檸檬，他手又想拿，好隨便拿吧，他試了一口就不敢再要了，在安全情況底下盡情體驗吧 、勝過我說千句不好這，不好那。