Kaka九歲生日

時間過得好快，阿女已經九歲啦，我問佢今年想要乜蛋糕，佢要求多生菓忌廉蛋糕，當然無問題啦。

我的生日

由我第一次開始整蛋糕，我們一家的生日蛋糕都是我一手包辦，不論是造型蛋糕，或是鮮雜果忌廉蛋糕我也試過，希望每一次都帶給我家人驚喜。

今年我生日，我兩個囡好着緊問我點慶祝，要乜生日蛋糕，又叫daddy買禮物比我，又煩緊係邊到買生日蛋糕、仲分呼daddy買，daddy話媽打造仲好食啦，但我心裏想試下其他特別蛋糕喎哈哈😅，跟住kaka（大囡）話佢整muffin比我，但唔知點整哈哈，見佢地咁煩惱之際，我就提議不如我整個蛋糕底，你地幫手裝飾下啦，他們聽完好雀躍。

收到呢個咁有意義㗎蛋糕，心都甜晒😊

Opera cake 歌劇蛋糕

一向都對咖啡味蛋糕情有獨鍾的我，偶然發現opera cake 的存在，於是上網尋找食譜，但由於好似好多工序於是各至一邊，昨天是我相公生日，一直在想做乜蛋糕好，唔係好想同過往的蛋糕一様，又想挑戰下自己，腦海中忽然想起opera cake 於是認真研究食譜，上下YouTube 參考下，然後買料行動，當然第一次做係有好多進步空間，例如每層造得不夠平均，掃得不夠平滑，咖啡味太濃下次要調攪分量，，有了今次的經驗我相信下次會造得更好、我已try my best, ,幸好我老公都很滿意。Happy birthday 😊🎁🎂🍷

咁辛苦做個蛋糕出嚟，當然要嘆下啦😋😋

辣酒煮花螺

我有一位朋友超級喜愛食螺，自己一個食每次都起碼買兩Kg，但當然唔係一次過食晒啦，她會煮一大盤雪起，每日食少少，簡直就係螺后、最近就起成日聽佢講螺，我就被她感染好想食辣洒煮花螺，剛巧去中超見到有螺買，即刻買一Kg過下口引😋😋😍

台灣牛肉麵

台灣牛肉麵，看似平凡的一碗麵，心機卻不少,先要整個牛骨高湯，起碼要五個小時的時間，等高湯弄好才炆紅燒牛肉又要兩個鐘，心急的我分秒必爭，又要做家務，又接學，再帶他們學課餘活動，我又邊有心機用成日時間花在一碗麵上，幸好我有個廚房好幫手，壓力煲，幫我省回不少時間,只花幾小時就煮好，真係快靚正，炆好，帶三寶去學嘢，學完回家，番熱，煮麵，開動，沒味精,真材實料，美味，過足口癮。 😁😋😋(PS 多謝朋友大力推介這個煲，真係沒買錯，簡直愛上佢😍，這個發明實在太厲害，係好多愛煮嘢食的恩物）

豆沙煎軟餅

雪櫃有D豆沙剩,心血來潮想食豆沙煎軟我家三寶一向對中式甜品不太感興趣，但今次一放學,兩個囡每人KO咗兩件，下次試下南瓜豆沙較餅唔知佢地鐘唔鐘意呢。

Chilli con carne

話說有日朋友去超市見到紅腰豆平，就問有乜菜式可以煮，我即時諗起chilli con carne, 然後上綱找食譜send比朋友，她試過話好食，我就心癢癢煮嚟試下，辣辣地真係好送飯，加上豆類好有益，值得一試。

朗朗五歲生日

時間過得好快，三寶大得真快，真的有點不捨，他們BB時可愛很多，朗朗現在五歳了，不再像BB般，也很有性格，不愛被駡，脾氣亦不好，但他也會聽道理，有時他會發脾氣話媽咪我唔love你，我就跟他講，你唔love媽咪咁你以後見唔到媽咪，你自己食飯，自己沖涼，自己瞓覺，講到這裡他已經喊咗出嚟，我再問朗朗love 唔love媽咪他會說love, sorry 媽咪，知道，其實呢個小子脾氣壞，但感情豐富，要跟他慢慢講道理，偶而他發脾氣我嬲他，他隔一陣會自己走過來對我講sorry媽咪,知道，以後唔會，挺有趣。希望他聼教聴話，健康快樂成長，姊弟間相親相愛，長大都要做個好人。就是我的願望了，生日快樂我的寶貝仔。

阿囝係Minecraft 迷，所以今年做個Minecraft 蛋糕等佢開心下.呢個蛋糕要花很多時間上溝色，整格仔同砌，我沒有出去學過，全是自我，睇YouTube,上網研究下，雖然有不少瑕疵，但做出嚟的效果我都算滿意😝，最緊要阿囝收貨佢like我已心滿意足。

送別2014，迎接2015

2014快將畫上句號，回顧這一年對我們來說是艱辛年，慶幸有驚無險,有喜亦有悲，在一些事情發生，發覺自己原來人緣也不錯，身邊不乏小天使，在我們需要幫助的時候，感恩各方好友，第兄姊妹及家人伸出援手，雪中送炭，暖在心頭，使我們不感孤單，亦感恩神的祝福及帶領，使我們一切安好，雖然當中有踩多腳的人，但多謝你們使我們看清人性醜悪的一面，避矣遠知。

2015快將來到，期望新一年有新氣象，一切安好，一家人齊齊整整，身體健康，開心愉快生活，三寶快高長大，聰明伶俐，聽敎聽話，老公工作順利,新一年祝福我的至愛家人，親友及朋友們生活工作愉快，身體健康，開心渡過新一年,社會少分歧，少天災人禍，世界和平。新年進步！

Happy new year!2015 we're ready!! 🎁🎉🎊

Kaka SATs text 2014

前幾星期kaka學校星期五通知話要考試SATs text 應該是評核試吧，星期一就要考，一連五天，由於last mins 通知，又撞正中文考試，等非常忙碌，沒有時間幫她溫習，只好打天才波，學校又強調他們年紀還少別給他們壓力別過份緊張，他們平常在課堂學的可以應用在考試上，這裡教育學校非常保護小孩心 理質素，讀書非常輕鬆，小學極少功課無乜考試，所以他們沒壓力，真正享受校園生活，我想對他們最大壓力是中文學校，今次kaka第一次校內考試我也想看她在課堂上吸受幾多，日幾天收到成績，非常欣慰，考得不錯。Proud of u!

老公母校同學會二十五週年慶典

琴日參加老公母校同學會25週年慶典感覺蠻特別，心想他的學校咁多年歷史校舍一定很破舊，但踏入他的學校感覺很乾淨空間感大，保養得很好，老公二十五年後再踏入他的母校心 情百感交集,又緊張又興奮，惜日的黃毛小子,薯嘜,二十五年後會變成什麼樣子呢?他的老師還記得他嗎?進入場內大家看看大家的名牌來確實相認，他的同學們稱呼他中文名好有親切感,有的樣子同惜日差不多有的變了很多,二十五年的日子大家有自己的事業家庭，生活方式再重聚細說當年真的好攪笑,他們每一個都非常有善,我都很希望我的子女能就讀daddy的母校,可惜入讀要求非常高,除要通過考試及面試外，學費盛為£5500/term, 三寶要入讀我真的無能為力啦,希望他們將來能入讀別的好學校吧，總結大家昨晚都歡度一個又特別又有記念價值又開心的晚上。

Kaka 的笑料

琴晚開緊個椂柚時,kaka Kiki 好興奮走過來，kaka爆咗一句媽咪我鐘意食椂葛聽到我笑到肚痛，我糾正她係椂柚佢再講look家，係椂柚她才講啱Lol

Kiki 第二次中文學校

勁呀，今日kiki第二次返中文學校竟然無喊，叻叻！希望佢記得默書D字點寫啦，加油！

Kiki在學校吃午餐

今個星期開始kiki要返全日，9：00-15:10 令我最擔心是她午餐的問題，因她只吃得很少，等到放學真係餓死，希望她快快習慣可以食多D

感情豐富的kaka

Kaka 越大情感越豐富，話說她叔叔uncle Kenneth 因工作關係留英國兩天，她亦有一段時間沒見他所特別不捨得他走，但今日叔叔就要返HK,她就一早嘈醒我喊晒口話唔想返學，因叔叔今日走好唔捨得他，返完學叔叔就走咗啦，我告訴她學校唔係遊樂場唔係你話唔返就唔返，老師唔會比你又唔係病，最後她好不情願梳洗換衫，到早餐的時候她叫我幫她探temperature 我話你無病呀要返學呀，她就眼濕濕喊，但又不想叔叔睇到，很不容易吃過早餐便要返學，而叔叔應承帶她們返學，兩小寶當然乖乖肯返學啦，叔叔又答允回到hk會帶電話給她。希望叔叔可以多D機會來英國探我們啦，三寶很掛念你喔，

朗朗第一次係廁所poo poo

嘩朗朗今日終於肯係廁所poo poo 啦，希望離戒片不遠。努力加油！

15/9/13 Kiki 第一日返中文學校

之前Kiki 見kaka 返中文學校，她好想跟她一齊返，今日終於如願以償，可是她捉著我手不肯放，又喊，希望她盡快適應吧！

嘉麟月餅的𧩙生

Kiki第五日校園生活

10/9/13 Kiki 第五日校園生活，亦是第二日係學校食午飯，今次我造了三文治及士多啤梨給她在學校食，我13：15 接她時問她有無吃完三文治，她說沒有，只吃 士多啤梨，因開唔到個盒食，我告訴她如果開唔到要叫人幫你，激死，好彩係返半日，如果 返全日就餓死，跟住我向老師投訴，她說sorry ,今日會提dinner lady 留意下，今日準備咗pasta 佢帶返學食，希望佢會食啦。平時佢係屋企食得好慢，餵佢食都要食好耐，希望佢見到D同學仔肯乖乖快快食啦。

琦琦第四日上學

9／9／13 琦琦第四日上學，今個星期返學時間8：55-13：15 可以同家姐同一時間上學，兩姊妹拖手仔返學，返到學校琦琦亦乖乖放開我手自己入學校，沒有喊，我同她說再見她還報以微笑，入到學校雖然有少許迷惘唔知點去課室，但好彩遇上家姐指示她在哪裡，最後順利自己進入課室，而且今日開始嘗試係學校食午飯，希望她喜愛。加油！